Le hAcht na Gaeltachta 2012 cuireadh bunchloch faoin bpróiseas pleanála teanga sa Ghaeltacht. Roinneadh na Gaeltachtaí i 26 Limistéir Pleanála Teanga (LPT) agus cabhróidh an léarscáil thíos leat na limistéir sin a aithint óna chéile.

Is féidir féachaint ar eolas agus sonraí faoi leith ar an leárscáil, ina measc…

·       Cainteoirí laethúla Gaeilge

·       Ionaid oideachais agus réamhscolaíochta

·       Contaetha Gaeltachta agus a gcuid Limistéir Pleanála Teanga

·       Bailte Seirbhíse Gaeltachta agus Líonraí Gaeilge – dhá chuid eile den phróiseas pleanála teanga.

Is próiseas é an pleanáil teanga a chuireann an pobal, lucht gnó, agus an earnáil phoiblí agus stáit ag obair as lámh a chéile chun úsáid na Gaeilge a láidriú mar theanga pobail agus mar theanga teaghlaigh sa Ghaeltacht.  Déantar plean teanga a ullmhú don LPT agus le maoiniú ó Údarás na Gaeltachta fostaítear Oifigeach Pleanála Teanga go háitiúil chun cur i bhfeidhm an phlean a stiúradh ar mhaithe le húsáid na Gaeilge sa teaghlach agus, pobail, sóisialta agus gnó.